Balligi a naarestar ti maysa a mannalon iti naiwayat a drug buy-bust operation ditoy siudad ti Laoag.
Ti suspek ket maysa a lalaki, agtawen 49, naasawaan, mannalon, ken residente ti Barangay Brgy. 56-A, Bacsil North iti nasao nga ili.
Kinemmeg a dagus dagitoy otoridad ti suspek kalpasan a naglako ti maysa nga heat sealed transparent plastic sachet iti nagpammarang a police poseur buyer, ti sumurok kumurang a 1.3 a gramo ti mapapati a shabu.
Iti panangkapkap dagitoy otoridad iti suspek ket nakumpiskar da pay ti tallo nga heat sealed transparent plastic sachet nga agdagsen ti sumurok kumurang a 4.4 a gramo ti mapapati nga illegal a droga, maysa a genuine P1,000 a nausar kas boodle money, ken nagduduma pay a drug paraphernalia.
Iti agdama, maisagsaganan ti kaso a maipila kontra iti suspek a panaglabsing iti Republic Act No. 9165 wenno ti Comprehensive Dangerous Drugs Act of 2002.
Naamoan a ti nasao a suspek ket maibilang kas Street Level Individual.
