LAOAG CITY – Linagip ti beterana nga aktres a ni Amy Austria no kasanu na a nakaruk-at manipod iti pannakaigamer na iti illegal a droga iti kallabes.
Inbatad na nga immabot iti innem a tawen sakbay a napanunut na a panawenen tapno isardeng na ti agusar ti illegal a droga gapu ta nautub na nga awan pulos ti napintas nga ipaayna iti biagna.
Inyistorya ni Amy nga idi damo a panagusar na ket arigna awan ti madmadlaw na a pagbalbaliwan ti bagina, ngem iti saan a nagbayag ket madlaw na a daytoy lattan ti birbiruken na.
Innayon na a ti nagbalin pay nga epekto na kenkuana ket ti kanayun lattan a panagturturog na, masansan ti pannangan na a nangitunda ti panaglukmeg daytoy.
Nupay kasta, kuna ni Amy nga idi madlaw na a saanen a napintas ti sitwasyon ti bagi ken panunotna ket ditoyen a nagbalaw ken nakunana iti bagina a masapol nga isardeng nan ti agusar ti illegal a droga ken isublina iti normal ti panagbiag na.
Inpakaammo na a dakkel ti naitulong ti aktor a ni Christopher de Leon kenkuana iti panagkalikagom na a rumuk-aten manipod iti pannakaigamer na ti illegal a droga, agsipud ti ti aktror ti nangiyasideg ti nangiyasideg kenkuana iti Diyos.
