Saanen a kasapulan nga agbayad ti bukod a kontribusyon iti PhilHealth premium dagiti verified persons with disability (PWDs) iti babaen ti baro a pagannurutan ti Philippine Health Insurance Corporation.
Iti babaen ti PhilHealth Circular No. 2026-0017, otomatiko a sakopen ti National Health Insurance Program dagiti Persons with Disabilities a kumpirmado iti PWD Registry.
Para kadagiti employed PWDs, paggugudwaan ti employer ken national government ti premium isut gapuna nga awanen ti maikissay nga employee share iti sweldo da.
Iti met biang dagiti self-employed, professional practitioners, overseas Filipino workers ken dadduma pay a direct contributors nga awan ti employer na, ibaklay ti national government ti sibubukel a premium no makumpirmaran ti PWD status da.
Mangrugi ti premium subsidy dagiti employed PWDs, iti bola a maisumitir da wenno ti employer da ti kumpleto a requirements idinto a dagiti non-employed PWDs, mangrugi met iti tawen no kaanu a nakumpirmaran ti nagan da iti PWD Registry.
Iti agdama, us-usaren ti PhilHealth ang Philippine Registry of Persons with Disability kas pagibasaran iti validation.
