LAOAG CITY – Naisayangkat ti maysa a Christmas Centerpiece Launch iti maysa a dakkel a mall ditoy siudad ti Laoag no sadinno naitampok ti panangpasilaw ti maysa a 45-foot Christmas tree.
Malaksid iti daytoy, nai-display pay ti Filipino-inspired centerpiece a tampok ti capiz design elements a naaramid ti natural ken sustainable material, 7 a life-sized lamps, pinoy santa ken dadduma pay.
Naisayangkat pay ti performances ti Samiweng Singers ken Danggay Children’s Rondalla, ken maysa a naidumduma a countdown.
Kabayatanna, inbatad Mayor James Bryan Alcid a daytoy ket mangipasimudaag ti panagrugi ti panawen ti paskua, panagaayat, pannakaipaay ti ragsak kabayatan dagiti rigat ken problema, pannakanamnama ti ad-adda a napintas a panagbiag pakairamanan ti ayat ti puso ken adu nga aguinaldo iti wallet.
