Napaay ti Pinay tennis star ken agdama a World No. 20 a ni Alex Eala iti nagbalin a laban da ken ni Rusian star Diana Shnaider iti round of 16 ti WTA 500 Ningbo Open.
Iti umuna a set paylaeng ti torneyo ket napintasen ti inpakita a laban dagiti dua no sadinno a risiris ti iskor.
Nupay kasta, apaman a nadanun ti maudi a paset ti umuna a set ket naal ni Shnaider ti momentum ken immuna a nakagun-od ti extended set 1 iti score a 7-5 .
Nagtultuloy ti laban iti maikadwa a set no sadinno a naaddaan ti nagsasaruno a service break.
Nakalamang paylaeng ni Eala, iti iskor a 4-3, ngem dagus a nakasubbot ni Shnaider agingga a nakaala ti matchpoints.
Intultuloy latta nga inlaban ni Eala ti ay-ayam na uray matchpoints ti kalaban na ken nakakamat iti pito a match points.
Iti baet daytoy, naan-anay ngaa inleppas ni Shnaider ti ay-ayam da ken ni Eala iti babaen ti maysa a service ace iti score a 6-4.
Gapu iti pannakaabak ni Eala ket saanen a nakaabanse iti 8 ti torneyo.
Sumaruno a pagay-ayaman ni Eala iti Toray Pan Pacific Open iti Japan, a naikeddeng a maiyuswat manipod Oktubre 26 agingga iti Nobyembre 1.
