LAOAG CITY – Pinadayawan ken binigbig ti City Government babaen ti City Social Welfare and Development Office dagiti 10 a barangay ditoy siudad ti Laoag gapu iti panangipangpangruna ken ti kinaadda dagiti programada para ti pagsay-atan dagiti ubbing iti barangayda.
Daytoy ket pakairamanan ti proteksion, pannakakita a nalaing ti salun-atda, nasalun-at nga aglawlaw, edukasion, pannakalapped ti aniaman a pannaka-abusar ken dagiti nagdumaduma pay nga aspeto.
Babaen ti panangidaulo ti nasao nga opisina ken ti tulong dagiti evaluators nga aggapu kadagiti nagdumaduma nga ahensia ken opisina, na-evaluate dagiti nasaoa a barangay.
Mainaig iti daytoy, dagiti nabigbig a barangay kas Child-Friendly Barangay 2026 dagiti sumaganad:
1st Place – Brgy 1 San Lorenzo
2nd Place- Brgy 30-A Suyo
3rd Place – Brgy 2 Sta Joaquina
4th Place – Brgy 10 San Jose
5th Place – Brgy 12 San Isidro
FINALISTS
*Brgy 13 Nuestra Señora De Visitacion
*Brgy 55-C Vira
*Brgy 51-A Nangalisan East
*Brgy 55-A Barit
*Brgy 51-B Nangalisan West
SPECIAL AWARD
Regina Bartolome
Child Welfare Service Award
Brgy 51-B Nangalisan West
Kabayatanna, bigbigen ni Mayor James Bryan Alcid ti dakkel a responsibilidad ti barangay kaduada dagiti nagannak a mangkita ti pagsay-atan dagiti ubbing.
Kiniddawna iti panagan-anus a mangtarabay kadagiti ubbing para ti napinpintas a masakbayanda.
Innayon pay ni Mayor Alcid a naruay dagiti programa ti siudad a mangtarabay kadagiti ubbing kas koma ti pannakaited kadakuada ti nasayaat a komunidad, salun-at ken ti inda panagbasa.
