LAOAG CITY – Indauloan ti Department of Migrant Workers (DMW) ti panangbigbig kadagiti Overseas Filipino Workers (OFW) iti siudad ti Laoag ken ti probinsia.
Babaen ti “One Ilocos for Overseas Filipinos: A Convergence Project” naidanon ti Serbisio Caravan iti Ilocos Norte Centennial Arena a nagpartisiparan dagiti nadumaduma nga ahensia ti gobierno ken pribado a kompania wenno one-stop shop tapno maipaay ti pagkasapulan dagiti Overseas Filipino Workers pakairamananen ti medikal.
Paset daytoy ti “Bayanihan Para sa Balikbayang Manggagawa-National Reintegration Network (BBM-NRN) Fair a masigurado ti pagsay-atan dagiti ay-ayaten tayo nga OFW ken ti pamiliada.
Immatendar iti nasao nga aktibidad da Sec. Dante Ang II ti Commission on Filipino Overseas, Usec Bernard Olalia ti Department of Migrant Workers, opisiales ti Overseas Workers Welfare Administration, Migrant Desk Officers, opisiales ditoy siudad, kasta payen agiti opisial ditoy probinsia, 1st Congressional District Office ken naruay nga OFW’s.
Kabayatanna, dakkel ti panagyaman ti siudad kadagiti OFW’s ken adda dagiti programa ti siudad para ti pannakaipaay ti suporta ken tulong kadakuada manipud ti siudad.
