LAOAG CITY – Natay ti tallo nga indibidual ken idinto a dua ti nagsagaba ti sugat iti maysa nga insidente ti pammaltog iti maysa a fishpond iti Timako Hill, Barangay Klanganan 2, Cotabato City.
Nabigbig dagiti otoridad dagiti natay a biktima a da Datu Maceda Taup Yusop, agtawen 53, negosiante a maipagarup a target dagiti suspek; Mokamad Tabunaway Lanta ti Lebak, Sultan Kudarat; ken ni Reni Hamsa, maysa a mangngalap ken residente iti nasao a lugar a nakapasamakan ti insidente.
Manarimaan met ti pannakataming iti Cotabato Regional and Medical Center (CRMC) dagiti dua a nasugatan a trabahante a nabigbig a da alyas na Daryl ken ni Jun.
