Nagun-od ni Johann Chua ti titulo iti 2026 Philippine Open Pool Championships kalpasan nga inabakna ti padana a Filipino player a ni Anton Raga iti score a 11-9, maysa a ‘most anticipated’ nga All-Filipino finals.
Nasapa nga immabante ni Chua iti 5-0 a lamang ngem naikamat ni Raga agingga 10-9.
Nupay asideg ti laban, napagtalinaed ni Chua ti lamangna tapno magun-od ti titulo.
Sakbay ti finals, inabak ni Chua ni Carlo Biado iti score a 10-1 iti quarter finals ken Bernir Regalario iti score a 10-2 iti semifinals.
Daytoyen ti maikadua a Matchroom World Nineball Tour (WNT) title ni Chua kalapasan ti balligina iti 2024 Hanoi Open Pool Championship.
Kabayatanna, naiyawidna ti balitok a tropeo ken P1.2 million.
