Madalyasatanen dagiti behikulo iti dua a lane ti kalsada iti paset ti Brgy. Baruyen iti ili ti Bangui kalpasan a naikkat ti bus ken ti SUV a nagdinnungpar idi biernes, Oktubre 24.
Daytoy ti inpakaammo ni PCapt. Irineo Sibucao Jr., ti chief of police iti ili ti Bangui.
Inbatadna nga iti agdama ket naipakustodiar iti Philippine National Police iti ili ti Bangui ti bus ken SUV
Inpakaammona a naikkat dagiti behikulo babaen iti bulldozer ti Department of Public Works and Highways.
Malaksid iti daytoy, nagsaritan ti dua a behikulo no sadinno a naamoan a nakasagana ti driver ti bus nga agbayad iti perdisyon iti SUV.
Nupay kasta, inbatad ti hepe nga iti agdama ket ur-urayenda pay laeng iti agbalin a desisyon dagiti pasahero ti bus no makiareglo da wenno mangipila ti kaso.
Kabayatanna, kinumpirmaran ni PCapt. Sibucao a kalpasan ti napasamak nga insidente ket naduktalan a napukawan ti maysa a pasahero ti P10,000 a pisos nga adda iti bag-na a naibati iti bus.
Naamoan nga agingga ita ket saanda pay a masinunuo no kasano a napukaw daytoy, agsipud ta kalpasan ti insidente ket addo dagiti tattao a nagaribungbong iti lugar.
