LAOAG CITY – Nangiwayat ti Regional Office ti Bureau of Jail Management and Penology ti maysa a surprise drug testing kadagiti personnel ti Bureau of Jail Management and Penology ken kadagiti on-the-spot a napili a Person Deprived of Liberty wenno PDL.
Inbatad ni Inspector Sheila Marie D. Sapaden, mangidadaulo iti Bureau of Jail Management and Penology a ti naisayangkat a surprise drug test ket paset iti programa da a joint greyhound operation, no sadinno a monitoren da a naimbag ti kinatalged dagiti mangmangged ken dagiti PDL iti uneg ti pagbaludan.
Segun ken ni Sapaden, negatibo amin ti resulta ti drug test dagiti personnel-da idinto a dagiti balud ket 25% laeng iti nagatibo.
Kabayatanna, ti agdama a bilang ti nakabalud iti Bureau of Jail Management and Penology ket 74, a pakairamanan ti 11 a babbai ken 63 a lallaki.
Inpakaammo pay ni Sapaden a ti kaadoan kadagiti balud ket sumangsango maipanggep ti illegal a droga, partikular ti panaglabsing ti Republic Act 9165 wenno ti Comprehensive Dangerous Drugs Act of 2002.
