Inrakurak ti AIDS Society of the Philippines (ASP) a mabalin a ngumati ti kaso ti Human Immunodeficiency Virus (HIV) kadagiti agtawen 15 agingga 24 intono 2030.
Iti projected data ti AIDS Society of the Philippines (ASP), mapatta-patta a 47,029 ti panangngato ti kaso ti Human Immunodeficiency Virus (HIV) kadagiti age group a 15 agingga 24, idinto a 17,446 ket aggapo kadagiti agtawen 25 agingga 30.
Daytoy ket basar iti Department of Health (DOH) no sadinno a naduktalan da a ti rason ket ti nasapa a pannaki-engage dagiti ubbing kadagiti sexual nga aktibidad ngem napaay da iti naan-anay nga ammo kadagiti serbisio a mangtulong a mangliklik iti nasao a sakit.
Gapu iti daytoy, dakkel ti peggad a sangoen dagiti ubbing nga edad iti nasao a sakit ken dadduma pay a sexually transmitted infections.
Ginutigot ti Department of Health (DOH) kangrunaan ti gobierno nga i-diaya kadagiti ubbing nga indibidual ti proper sex education ken ti responsible a partisipasion iti sexual nga aktibidad sakbay a nga agbalin dagitoy a sexually active.
