LAOAG CITY – Inpatungpal ti Philippine National Police (PNP) ti hotlines tapno makatulong a mapaalisto ti panangbirok ken ni Senator Ronald Dela Rosa.
Segun ken ni Philippine National Police (PNP) Public Information Office chief Col. Allen Rae Co, ti nasao a hotlines ket mabalin nga usaren ti publiko tapno i-report dagiti impormasion a maamoanda para iti pannakaarestar iti mabirbirok a Senador.
Agtultuloy ti pannakaisayangkat ti panangbirok iti Senador ngem segun iti ahensia, nasaysayaat no boluntario laeng daytoyen a sumuko tapno maliklikan ti aniaman nga engkuentro.
Iti baet daytoy, nagballaag met ni Co ti panangipila ti ahensia ti kaso kadagiti prank callers a manggandat a mangluko a mangtawag kadagiti numero.
Kabayatanna, naudi a nakita ti Senador idi bolan ti Mayo, no sadinno kalpasan iti daytoy ket saan daytoyen a nagparang iti publiko.
Maipalagip a nangrugi a naglemmeng ni Senator Ronald Dela Rosa kalpasan ti panagiparuk-at ti International Criminal Court ti warrant of arrest kontra kenkuana kalpasan ti pannakairamanna iti kaso a crime against humanity iti kampanya kontra droga ni dati a Presidente Rodrigo Duterte, no sadinno a nagserbi daytoy a hepe ti Philippine National Police.
