Nagpaayab ti National Security Council iti Moldova ti nasional a panagtalantan kagiddan ti nalawa a cyberattack a timmama kadagiti information system ti gobierno.
Basar iti Electronic Government Agency (AGE), naiyuswat ti nasao a panagatake manipud Oktubre 19agingga 23 no sadinno a mapatta-patta a 750,000 data sets ti sumurok-kumurang a maysa a milyon a personal ID numbers ti natakaw.
Pormalen a naikkat iti pwesto ni Prime Minister Vasile Tofan ti direkto ti AGE a ni Nicoleta Colomeet kagiddan ti pammilin a papigsaen ti seguridad kadagiti digital service ti pagilian.
Inbutaktak ni Tofan nga adda ti indikasion a karaman ti sumagmamano a foreign state actors iti naiyuswat nga insidente ken manarimaan ti imbestigasion dagiti otoridad iti daytoy.
Pakairamanan kadagiti naala nga impormasion iti panagtakaw ti datos dagiti nagan, aldaw ti panagkasangay, insurance status, medical records, ken financial details pakairamanan dagiti IBAN account.
Mainaig iti dytoy, nagballaag met dagiti eksperto a ti kangrunaan a peggad ti nasao a pannakataw dagiti impormasion ket ti posible a pannakausar kadagiti online fraud ken manipulasion.
