Inlawlawag ni Philippine National Police (PNP) spokesperson Police Col. Allen Rae Co, no apay awan pay ti makita a “wanted poster” para ken ni Sen. Ronald “Bato” dela Rosa iti agtultuloy a manhunt operation da kontra iti senador.
Segun kenkuana, daytoy ket gapu ta amammo ti publiko ti rupa ni dela Rosa ken ti panangipakaammo da ti P50 milyon a reward para iti impormasion ti pannakaarestar na.
Nupay kasta, kunana nga agtultuloy ti panangadal da ti posibilidad a mangiparuk-at da ti wanted poster no maamoan da a makatulongdaytoy iti panagsarak ken pannakaarestar iti senador.
Mainaig iti daytoy, nagkedked met a mangipaay pay ti naan-anay a detalye ti Philippine National Police (PNP) iti operasion da gapu ta mabalin a makompromiso daytoy ket maiturong iti risgo dagiti operatiba.
