Manamnama ti panangiwayat ti Philippine National Police – Traffic Division ti running simulation iti McKinley Street ken Lagasca Street ditoy siudad ti Laoag.
Daytoy ket paset iti maipanggep ti nailungalong a panagbalin a maysa laeng ti direksion wenno one way iti nasao a lugar .
Segun kenni Konsehal Jaybee Baquiran, chairman ti Committee on Transportation ditoy ciudad ti Laoag, no mapagbalin nga one way iti nasao a lugar ket mabalin a pagparkingan danto met laeng iti bangir ti kalsada .
Inbatad na a kitaen ti PNP-Traffic Divison no ania ti agbalin a resulta ti aramiden da a running simulation no sadinno a kunana a no mabalin ket maikkat amin a lugan a nakaparking iti rush hour tapno saan a mangitunda iti trapiko.
Nupay kasta, kuna ni Vice Mayor Rey Carlos Farinas a mangiwayat lattan iti public hearing tapno maiplastar a nasayaat ken makita no ania iti kapintasan a solusion na tapno naan-anayen a masolbar ti problema ti traffic congestion iti nasao a lugar
Manmnama a mapaayaban dagiti sumagmano a paseknan nga indibidual tapno mangngegan iti nagduduma a suhesion dagitoy.
Maipalagip a namunganay ti isyu gapu ti kaadu dagiti lugan a nakaparking iti McKinley Street ken Lagasca Street nangruna iti rush hour, ken ti kaadda dagiti nakaparada a lugan iti asideg dagiti intersection.
