LAOAG CITY – Nairekord ti Philippine Statistics Authority ti ischaemic heart disease wenno sakit iti puso kas kangatoan a rason a pakatkatayan dagiti Pilipino sipud Enero agingga iti bolan ti Abril iti daytoy a tawen.
Mainaig iti daytoy, manipud kadagiti nasao a bolan, ti sakit ti puso ket umabot iti 39,842 a kaso a kaibatugan ti 21.9% ti total deaths ditoy pagilian.
Kabayatanna, karaman pay iti listaan kas kangatoan a rason a pakatkatayan dagiti Pilipino ket dagiti sakit a neoplasm, cerebrovascular disease, pneumonia ken ti hypertensive diseases.
