LAOAG CITY – Immuli iti baro a record high a P19.66 trillion ti nairekord a pakabukelan nga utang ti gobierno ti Pilipinas idi naudi a paset ti Setiembre ita a tawen.
Daytoy ket basar iti record manipud iti Bureau of the Treasury (BTr).
Basar iti ahensia, ngimmato ti 0.27% a kaibatugan ti P53.47 billion ti utang ti pagilian kumparar iti P19.61 trillion a nairekord idi bolan ti Agosto.
Bukbukelen ti domestic debt ti 67.39% ti pakabukelan nga utang nga agdagup ti P13.25 trillion, kabayatan a ti external debt met ket aggatad ti P6.41 trillion wenno 32.62%.
Ti panagngato ti external debt ket gapu iti net issuance ti government securities ken ti panagkapsot ti piso kontra iti United States dollar a nakaapektar iti Onshore Dollar Bonds.
Kabayatanna, nairekord pay ti panagngato ti external debt ti 0.70% gapu met laeng iti panagkapsot ti piso ken ti kanayunan a net availment dagiti pautang manipud iti ruar ti pagilian.
