Imbilin ti Department of the Interior and Local Government (DILG) dagiti lokal a gobierno ken barangay iti intero a pagilian tapno masigurado ti natalged ken nawaya a panangselebrar ti Undas 2026, kageddan ti manamnama a panagado dagiti tattoo kadagiti kamposanto ken memorial parks ita nga aldaw, Nobiembre 1 agingga intonbigat Nobiembre 2, 2026.
Iti babaen ti memorandum circular, imbilin ti DILG dagiti Local Government Unit (LGU) a makitaripnong kadagiti Local Peace and Order Councils tapno repasoen dagiti addang iti seguridad, crown control, ken pannakamanehar ti garaw ti trapiko.
Pakairamanan pay a mabilin dagiti barangay tanod, medical personnel, traffic enforcers, ken dadduma pay a puersa a mangtulong iti panagtalinaed ti kinatalna.
