Naduktalan nga adda dagiti nagpuor ti basura iti nagduduma a kampasanto iti siudad ti Batac kabayatan ti pannakaselebrar ti Undas, manipud Oktubre 31 agingga idi kalman, Nobiermbre 1.
Daytoy ket babaen ti panagsursur ti City Disaster Risk Reduction and Management Office no sadinno nakitada nga adda dagiti tanem a nadadael ti pintana.
Nupay kasta, insigida met a binalakadan dagiti bisita a nagpuor ti basura iti kamposanto.
Segun ken ni Mr. Arvin Lumang, mangidadaulo iti City Disaster Risk Reduction and Management Council iti nadakamat a siudad, a gapu ta adda iti nangangato a paset iti kamposanto dagiti sumagmamano a tanem, saan a naibaba dagiti basura nga isu metten ti rason no apay saan a naibaba ken pinuoran lattan dagiti basura.
Gapu ti daytoy, nagballaag ti ahensia nga mangitugot dagiti tattao ti kamposanto ti sako wenno garbage bag tapno ditoy urnongen ti basura ken ikabil dagitoy ti umno a pangipanan.
Kabayatanna, inpasigurado na nga iti nagduduma a kamposanto ket adda naiestablisar ti entance ken exit iti kamposanto.
