LAOAG CITY – Inbatad ni Engr. Shiela Opelac, mangidadaulo iti City Agriculture Office ditoy siudad ti Laoag a maysa kadagiti manarimaan nga imonmonitor dagiti mannalon ket dagiti peste a mabalin a mangdadael kadagiti mulada kangrunaan na ti mais.
Segun kenkuana, maysa kadagiti mangdadael iti mula dagiti mannalon a mais ket ti peste a maawawagan ti fall armyworm.
Mainaig iti daytoy, kuna ni Engr. Opelac nga awan met pay dagiti mula a namonitor da a naapektaran iti kastoy a peste ngem no adda man ti maireport kadakuada ket insigida a trataren da.
Malaksid iti daytoy, tumultulong pay ti City Agriculture Office iti pannangkita iti kasasaad dagiti livestock aglalo ita a panawen ti tikag.
Kunana a no maipanggep iti panangtaripato a nasayaat kadagiti livestock ket adda dagiti ar-aramiden da a kaduada ti City Veterinay Office tapno maliklikan ti aniaman a saan a napintas a mapasamak aglalo iti mapaspasaran a nabara a paniempo.
Immuna iti daytoy, adda ti naaramid a contingency plan ti City Agriculture office ditoy suidad ti Laoag tapno matulungan dagiti mannalon ken mangngalap iti pangta ti epekto ti El Niño.
