Kwinestionaran ni Bokal Dr. Medeldorf Gaoat ti Department of Public Works and Highways (DPWH) gapu ta awan ti signages kadagiti kurbaan iti kalsada iti ili ti Carasi.
Daytoy ket kalpasan a maobserbaranna kabayatan ti panagdalyasat da nga agturong ti out-of-town session-da.
Segun kenkuana, napateg koma a kitaen ti ahensia ti kinaawan ti signages gapu ta narisgo daytoy kadagiti dumalyasat kangrunaan dagiti motorista.
Mainaig iti daytoy, iti biang ti 1st Engineering District ti Department of Public Works and Highways (DPWH) kunada a saan a national high way ti nasao a dalan isut gapo na a saan da a sakupen ti nasao a dalan.
Inlawlawagna nga ti Provincial Engineering Office ti akin responsibilidad a mangimuntar ti signages tapno maliklikan ti disgrasia ken ti saan a nasayaat a mapasamak.
Nupay kasta, naipadanonen ti problema babaen ti 1st Engineering District ti Department of Public Works and Highways (DPWH) iti Provincial Engineering Office tapno maipaayan ti naan-anay a pannakaaramid ti insigida nga addang.
