Saan nga inikkat ti Philippine Institute of Volcanology and Seismology (Phivolcs) ti posibilidad nga adda dadakkel a bulto ti dapu ken asuk nga ipugso ti bulkan Mayon kadagiti sumaruno nga aldaw.
Daytoy ket kalpasan ti panagpugso manen ti nabengebeng nga asuk ita nga aldaw, Nobiembre 3 nga umabot iti 1,600kms a kangato.
Segun ken ni Dr. Paul Alanis, resident volcanologist ti Mt. Mayon Observatory, adda pay nabatbati a nabara a magma iti uneg ti bulkan a posible nga agbalin a rason ti nabebengbeng nga asuk nga inruar ken iruar na daytoy.
No man pay awan makitkita a panagayus ti lava ken saan pay nasarunoan ti napigsa nga aktibidad idi Oktubre 30, kuna ni Alanis a masapul a saan bay-an ti posibilidad ti dakdakkel a panagbettak iti masakbanyan.
Kabayatanna, nagpaot iti sumurok-kumurang dua a minute ti nairekord a panagpugso ti dapu itay oras ti alas-8:22 ti bigat ken maysa daytoy a nairekord ti Philvocs a dadakkel a bulto ti asok a rimuar iti nadakamat a bulkan.
Nakita dagiti eksperto ti pannakadanun ti nabengbeng nga asuk iti Guinobatan, Daraga, ken Camalig, iti probinsiya yi Albay.
Nagpalagip ni Dr. Alanis ti naiget a panangipawil ti panagserrek iti uneg ti 6-KM permanent danger zone gapu iti peggad a gapu iti bulkan iti aniaman nga oras.
