LAOAG CITY – Kalikagom ni Sangguniang Panlungsod member RJ Fariñas a mainstolaran ti signages ti rotunda iti paset ti airport road ditoy siudad ti Laoag.
Segun kenkuana, saan nga ammo dagiti sumagmamano a motorista no sadinnno ti right of way ken siasinno ti rumbeng nga umuna a dumalyasat.
Gapu iti daytoy, nagkiddaw ni Fariñas iti Department of Works and Highways (DPWH) iti 1st District nga instolaranda ti stop signages ti lugar gapu ta saan a masinunuo dagiti motorista no siasinno ti umuna a dumalyasat.
Kabayatanna, inlawlawag met ti Department of Works and Highways (DPWH) iti 1st District Engineering Office a dagiti sumrek ti rotunda ket masapol nga urayen ken iprayoridad da dagiti adda iti uneg ti rotonda.
