Immabot iti 10 a tawen sakbay a nabukel ti maysa a lalaki idiay Detroit ti 11,578-pound a rubber band ball a maibilang kas kadakkelan iti intero a lubong.
Rinugyan ni Claude P. Moore ti nangaramid iti rubber band balls kabayatan ti papanna panagpapa-checkup iti doktor na gapu iti sagsagabaen na a blood disorder hemophilia.
Kuna na nga idi 2015, kinarit isuna dagiti katrabahoan na nga agaramid ti massive version.
Inpakaammo na a gapu ta dumakdakkel ti ar-aramiden na a rubber band balls ket inyakar na iti maysa nga storage unit manipod iti garahe ti balay na.
Idi Agosto, inruwar ni Moore kadwa na dagiti dinosdosena nga indibidual ti inaramid na a rubber band balls tapno matimbang iti Belle Isle babaen ti panagusar da ti crane.
Inimatangan ti Guinness World Records adjudicator ti weighing ceremony ken kinumpirmaran na a ti 11,578-pound project ket isu ti maibilang kas largest rubber band ball iti lubong.
Gapu iti daytoy, naagaw ni Moore ti record manipod ken ni Joel Waul iti Florida a nakakompleto ti 9,032-pound rubber band ball idi 2008.
