Inbatad ni Dr. Ramonito Baltazar, ti mangidadaulo iti City Veterinary Office iti ciudad ti Batac nga addan ti 87% ti nabakunaan da ti anti-rabies vaccine nga aso ken pusa iti iti nagduduma a barangay ti nasao a ciudad.
Kuna ni Baltazar nga agtultuloy daytoy a programa iti City Veterinary office no sadinno a sursuren da dagiti barangay tapno magun-od da ti 100 a porsiento a panagbakuna dagiti dingwen aglalo dagiti aso ken pusa iti ciudad ti Batac.
Malaksid iti panagbakuna ti anti-rabies vaccine ket mangipatungpal pay ti nasao nga opisina ti panagkapon kadagiti dingwen iti Imelda Cultural Center intono Nobiembre 12 ken 13 ita a tawen.
Ti Anti Rabies Vaccination ken panagkapon kadagiti dingwen ket pagbinnuligan ti City Veterinary Office ken College of Veterinary Medicine iti Mariano Marcos State University.
Kabayatanna, kuna ni Baltazar a nagibunong da pay iti sagdudua a burias ken 2 a sako ti feeds kadagiti nagduduma a sektor iti ciudad.
Innayon na a manamnama a bunungan da pay dagiti 45 nga out of school youth iti sagdudua a burias ken sagdudua a feeds iti ciudad ti Batac.
