LAOAG CITY – Nasarakan ti maysa a nalamiis a bangkay timaysa a politiko iti Germany iti uneg ti hotel na idiay Berlin.
Nabigbig ti biktima a ni Hubert Aiwanger, agtawen 55, ken maysa a deputy leader ti southern Bavaria state ti nasao a pagilian.
Segun kadagiti otoridad, nasarakan ti bangkay na iti uneg ti hotel room iti Berlin-Mitte district.
Mainaig iti daytoy, saan pay a masinunuo ti rason ti pannakatay ti nasao a politiko ken agtultuloy ti panangiwayat dagiti otoridad ti imbestigasion tapno maadal ti kondision ken no adda ti foul play ti nasao a pannakatay ti politiko.
Ni Aiwanger ket isu ti mangidadaulo ti populista ti partido a Free Voters ken ministro ti Bavaria.
Bimmisita ni Aiwanger iti Berlin tapno makipaset iti panaglukat ti opisina ti partido na ngem saanen a nakatendar gapu iti saan a nasayaat a marikrikna na.
