Nagikkat iti pwesto ni Paraguayan President Santiago Peña kalpasan ti krisis iti Ueno Bank a nagresulta ti saan a pannaka-access ti minilyon a kliyente iti kwarta da.
Nangrugi metten ti impeachment proceedings kontra iti presidente kalpasan a nagpila kadagiti reklamo ti 35 nga agpanpanday linteg manipod iti oposisyon ken sumagmamano a miyembro ti bukod da a partido.
Karaman kadagiti alegasyon ti seryoso a panagbaybay-a iti trabaho.
Addan iti kongreso ti desisyon no awaten wenno pagkedkedan da ti panagikkat iti pwesto ni Peña, a nangrugi a nagtakem idi Agosto 2023 para iti lima a tawen a termino na.
Namnamaen a ti sumukat iti pwesto ni Peña ket ni Vice President Pedro Alliana.
Maipalagip a bimmisita iti Pilipinas ni Peña idi Mayo 11-12 2026, no sadinno a napagsaritaan ti dua a lider ti pannakaipalawa ti kooperasyon iti benneg ti trade, panagpuunan, agrikulturak ken seguridad iti taraon.
