Inbatad ti Malacañang nga agtalinaed nga umdas ti suplay ti danum kabayatan ti mapaspasaran nga epekto ti El Niño.
Immunan iti daytoy inbatad ti Philippine Atmospheric, Geophysical and Astronomical Services Administration (PAGASA) nga addan ti very strong El Niño iti tropikal a Pasipiko.
Segun ken ni Palace Press Officer Claire Castro a sigsiguradoen ti gobierno nga adda iti umdas a suplay ti danum iti dam ken water resources.
Malaksid iti daytoy, impasigurado met ti Department of Agriculture nga adda umdas a suplay ti taraon, kangrunaan ti bagas. Idinto nga impasigurado ti Department of Energy ti maintenance dagiti power plants.
Kabayatanna,inpasigurado met ni Presidente Ferdinand Marcos Jr. a nakasagana ti gobierno a mangsungbat kadagiti kasapulan dagiti umili mainaig iti mapasaran a very strong El Niño.
