Inladawan ni Ukraine President Volodymyr Zelensky a maysa kadagiti “deadliest’ a panagatake iti rinnupak ti pannakatay ti dinosena a tattao iti maysa nga school building, a nausar kas maysa a shelter, iti southeastern Ukraine kalpasan ti agarup 9 panagbomba ti Russia.
Mainaig iti daytoy, kinumpirmaran ti lokal nga otoridad idi kalman, Nobiembre 6, a 53 nga indibidual ti natay. Idinto nga adu pay ti saan pay masarakan kalpasan ti panagatake iti pasdek iti Komyshuvakha, Zaporizhzhia region.
Segun ken ni local governor Mykhailo Semikin, maus-usar ti nadakamat a pasdek kas shelter ken humanitarian aid distribution center.
Ti panagatake idi Lunes ket nangitunda ti napalawa a pannakadadael ken agpapan ita ket agtultuloy dagiti recovery operations-da.
Inbatad ni Semikin a dagiti biktima ket adda iti uneg ti barbaro a naipasdek, EU-funded reinforced basement a naidesenyo a kabaelanna ti sumagmamano a panagatake, ngem nag-collapse ti concrete structure ken naguram gapu ti kinapigsa dagiti bomba.
