LAOAG CITY – Pormalen a nagsapata ni Supreme Court (SC) Chief Justice Rodil V. Zalameda ken opisialen a nagtakem kas maika-28 a punong mahistrado ditoy pagilian.
Indauloan ni SC Senior Associate Justice Marvic M.V.F. Leonen ti pnagsapata ni Zalameda iti session hall ti korte.
Sinukatan ni Zalameda ni dati a Chief Justice Alexander G. Gesmundo a nagretiron ken immatendar met iti seremonya ti amin nga agdama a miembro ti Korte Suprema.
Mainaig iti daytoy, sinorpresa met dagiti miembro ti Korte Suprema ni Gesmundo iti panagkasangayna.
Kabayatanna, gapu iti panagtugaw ni Zalameda kas Chief Justice, addan ti bakante a posision para iti associate justice iti 15 a miembro ti Korte Suprema.
Saan pay a nalawag no aglukat nga indigida ti Judicial and Bar Council (JBC) ti aplikasion wenno nominasion para iti bakante a posision.
