LAOAG CITY – Nairekord ti panagbaba iti lebel ti danum iti tallo nga irrigation system iti probinsia ti Iloilo kageddan ti opisial a panagrugi ti dry spell condition iti rehiyon.
Basar iti kaudian a monitoring ti National Irrigation Administration (NIA)-6, kadakellan ti panagbaba ti lebel ti danum ti Ganan River Irrigation System iti Barangay Igtambo, San Miguel, no sadinno nairekord ti 1.5 a metro manipud iti normal a lebel a 2.6 a metro.
Bimmaba pay iti 1.85 a metro ti danum iti Sibalon River Irrigation System iti Barangay Anonang, Leon manipud iti normal a 2.2 a metro, kabayatan a nairekord met ti 1.77 a metro iti Tigum River Irrigation System iti Barangay Tungay, Santa Barbara manipud iti normal a 1.8 a metro.
Gapu iti pangta ti Super El Niño, agtultuloy ti panag-monitor ti Provincial Government Environment and Natural Resources Office dagiti irigasion ken dam tapno matukad ti aldaw a pagpatenggaan ti nabatbati a suplay ken para iti insigida a pannakaiparuk-at ti ballaag iti panagin-inot no umabot iti narisgo ng antas ti danum.
Kabayatana, basar iti naiparuk-at a datos idi Oktubre 27, umaboten iti 4,559 a pamilya wenno 22,795 nga indibidual ti naapektaranen iti nasao a rehiyon, idinto nga umabot metten iti P465.7 million ti nairekord a nadadael iti sektor ti agrikultura a kaadoan kadagitoy ket manipud iti Capiz ken Iloilo.
