LAOAG CITY – Kinumpirmaran ti Department of Migrant Workers (DMW) ti pannakatay ti maysa a Filipino seafarer ken maysa a nagsagaba ti sugat iti naglugananda a barko idiay Persian Gulf.
Segun ken ni Department of Migrant Workers (DMW) Secretary Hans Leo Cacdac, karaman dagiti nasao a Pilipino a crew iti Marshall Islands-flagged tanker nga MT Velos Sapphire.
Basar iti immunan nga imbestigasion, timmama ti saan pay a mabigbig a projectile a nangitunda ti pannakauram ti barko.
Manamnama koma ti panagturong ti nasao a barko iti Bahrain idi napasamak ti panagatake.
Kabayatanna, manarimaan ti pannakikoordinar ti Department of Migrant Workers (DMW) iti manning agency ti barko para iti natalged a panagawid dagiti nakalasat a Pilipino manipud iti insidente.
