Pinaneknekan manen ti Filipina tennis star a ni Alex Eala ti kinalaing na iti benneg ti tennis kalpasan ng immabanse iti finals ti 2026 Hong Kong Tennis Open a nangmarka iti maikadwa a professional circuit final na ita a tawen.
Nagun-od ti karera na ti baro a balligi kalpasan a pinabagsak na iti naiget a laban ti world No. 9 a ni Maria Sakkari ti Greece iti iskor a 7-5, 3-6, 6-4.
Iti baet dagiti nairekord a weather delays iti katengngaan ti ay-ayam ken inpakita ni Eala ti naiget a determinasyon tapno makasubbot iti pannakapaay na iti kallabes ken agballigi kontra iti mabigbig nga umaayam manipod iti Women’s Tennis Association (WTA) Tour.
Ti pakasaritaan a panagballigi ni Eala kontra ken ni Sakkari ket maibilang a career-best win ti Pinay Tennis star agpapan ita nga ad-adda pay a nangpangato iti profile na iti benneg ti tennis.
Naikeddeng a sangwen ni Eala iti 2022 US Open girls’ singles winner ti Amerikana a ni Claire Liu nga agdama a paset ti top 100 globally para iti korona iti Hong Kong.
Ti prestihiyoso a torneo a maysa a WTA 250 event ket ad-adda pay a nangpaneknek a nakasaganan ti atleta a Pilipino a makisabay kadagiti kalaingan nga umaayam iti lubong ken mangipaay ti dakkel a pammadayaw iti pagilian.
