Inarestar ti Bureau of Immigration (BI) ti maysa Chinese National nga agtawen ti 36 gapu iti maipagarup a panagusar ti peke a Filipino identity tapno makaala ti Philippine passport.
Nabigbig si suspek a ni Yao Shusheng, ad-adda nga am-ammo kas Lee King Agbulos, a naarestar idi Nobiembre 8, 2026 iti NAIA Terminal 1 aggapu Hanoi, Vietnem.
Basar iti Bureau of Immigration, maipagarup a nagusar ni Yao ti naallilaw a birth certificate tapno makagun-od ti Philippine passport. Adda pay pakainaigan na iti maysa a pammaltog idi 2022 iti Parañaque City a nakatayan ti dua a Chinese national nga agtultuloy ti imbestigasion.
Iti agdama, adda iti kustodiar ti Bureau of Immigration ti suspek kabayatan a maisaysayangkat ti maitutop a proseso para iti deportasion ti Chinese national ken permanente a panag-blacklist.
