Inpetteng ni Senate President Sherwin Gatchalian a masapol a siguradwen ti kinatalged ken pagsayaatan dagiti ubbing iti pangta ti El Niño ditoy pagilian.
Inbatad na a masapol a masalwadan ti salun-at dagiti ubbing aglalo ket karaman da kadagiti kangrunaan a mairisgo kadagiti epekto ti El Niño.
Karaman kadagiti risgo ti El Niño ket ti heat-related diseases, dehydration, waterborne diseases, ken dakkel ti posibilidad na a kumaro ti malnutrisyon.
Gapu iti daytoy. ginutigot ti senador dagiti local government unit (LGU) a paigetan ti pannakikoordinar iti Department of Health (DOH), Department of Education (DepEd), ken dagiti water utility tapno masigurado ti agtultuloy a suplay ti nadalos a mainom a danom, umdas a sanitation facilities kadagiti pagadalan ken komunidad.
