LAOAG CITY – Inbatad ti Samahang Industriya ng Agrikultura (SINAG) a saan nga umdas ti budget ti National Food Authority’s (NFA) para iti procurement ti irik tapno maipangato ti farmgate prices ken mangsuporta kadagiti mannalon.
Segun ken ni SINAG executive director Jayson Caingleta no pay apresiaren da ti addang ti National Food Authority’s (NFA) nga ipangato ti panaggatang da ti irik iti P30 a doble a volume kadagiti mannalon, kunana a ti P30B a budget ket saan latta nga umdas.
Iti babaen ti baro a katulagan, dagiti NFA farmers nga addaan tallo nga ektaria ti talonen na ken mabalin a makailako agingga ti mamintallo a daras iti normal a bilang panagapit, idinto a dagiti addaan lima nga ektaria ket mabalin a makailako ti sumurok 500 a sako no sadinno a makaartap iti standard levels.
Kabayatanna, inbatad ti Department of Agriculure (DA) a ti nangato a pannakagatang ti irik ken pannakaipalawa ti volume ceiling para iti nadalos ken namaga a pagay ket makatulong a mangpasayaat kadagiti manggedan ti mannalon ken national rice stocks kabayatan ti El Niño.
