LAOAG CITY – Nakarwaren iti ospital ti maudi a pasiente ti Ebola, no sadinno a daytoyen ti maikapito a nagimbag manipod iti nasao a sakit iti nadakamat a pagilian.
Maipalagip a kinumpirmaran ti Kenya ti kaunaan a kaso ti Ebola iti pagilian da idi Oktubre kalpasan a simmangpet ti maysa a negosiante iti Nairobi, Kenya.
Naamoan a naalana ti virus idiay Democratic Republic of Congo, no sadinno a sumurok 5,000 nga indibidual ti natayen gapu iti mapaspasaran nga Ebola outbreak ti nasao a pagilian.
Kuna ti Kenyan Health minister a dagiti 135 a nagpositibo ti Ebola idiay Kenya ket nalpas dan ti 21 nga aldaw nga isolation.
Kabayatanna, gapu ta nakarwaren ti maudi a pasiente ken nalpas metten dagiti 21 a nakaptan ti sakit iti isolation-da, ket maibilangen ti Kenya kas virus-free status iti Ebola.
