Nagpila ti Anti-Money Laundering Council (AMLC) ti civil forfeiture case a sakupen na dagiti bank account ni dati nga House Speaker Martin Romualdez.
Kinumpirmaran daytoy ni Anti-Money Laundering Council financial investigator Jan Mark Busa iti Sandiganbayan Third Division.
Segun ken ni Busa, immunan a nagpila ti Anti-Money Laundering Council ti petisyon para iti freeze order ken aplikasyon para iti bank inquiry nga agpada nga inaprubaran ti Court of Appeals.
Paset daytoy ti imbestigasyon kalpasan ti referral ti Office of the Ombudsman.
Iti panangtingiting ti Anti-Money Laundering Council, naestablisar ti 1,951 a transaksiyon iti 35 a bank account ni Romualdez manipod Abril 2003 agingga iti Oktubre 2025.
Umabot iti P3.9 bilyon dagiti transaksiyon sakbay a simrek iti politika, idinto a P4.5 bilyon met manipod Hunyo 2022 agingga iti Setyembre 2025, iti panagbalin na nga House Speaker.
Nadakamat pay ti depensa dagiti dati a negosyo ken investment interests ti dati nga house speaker.
Iti cross-examination, inbatad ni Busa nga awan ti naestablisar ti Anti-Money Laundering Council iti bank records a deposito wenno transfer manipod kadagiti contractor, Department of Public Works and Highways wenno ni dati nga Ako Bicol party-list Rep. Zaldy Co a direkta a simrek kadagiti account ni Romualdez. Gayunman.
Inlawlawag na pay a saan a sakupen ti panangtingiting da dagiti cash inflow a saan a dimmalan wenno nairekord iti banking system.
Sumangsango ni Romualdez iti kaso a plunder mainaig ti maipagarop a P7.44-bilyon kickback manipod iti flood control ken infrastructure projects idi 2022 agingga iti 2025.
