LAOAG CITY – Agtaltalinaed ti pannakakanselar ti biahe ti eroplano iti intero a pagilian iti Estados Unidos.
Segun iti FAA wenno ti Federal Aviation Administration, daytoy ket gapu iti ‘extraordinary circumstances’ ken ti pangta iti seguridad.
Basar iti inisial nga impormasion, namunganay ti ‘nationwide ground stop’ gapu iti napasaran a ‘telecommunications outage’ ti Estados Unidos.
Ngem iti baet daytoy, kinunana ni Homeland Security Secretary Markwayne Mullin, a ti nasao a pasamak ket awan ti pakainaiganna iti pangta iti pagilian wenno iti insidente ti ‘Microsoft service outage’.
Iti agdama, awan pay ti naiparuk-at nga impormasion mainaig iti eksakto nga aldaw ti pannakaresolbar ti nasao a pasamak.
Nupay kasta, mapalubosan laeng dagiti sumagmamano a flights nga agbiahe no adda ti pammalubosda maipud iti command center Federal Aviation Administration.
