Inbatad ni Mrs. Perlita Cabello, mangidadaulo ti City Social Welfare and Development Office (CSWDO) nga umaboten iti 109 a senior citizens ti nakaawat ti cash incentives dItoy siudad ti Laoag.
Kunana a makita ti ragsak dagiti 109 a senior citizens nga agtawen ti 80, 85, 90, 95 wenno dagiti octogenarian ken nonagenarian gapu ta naawat dan ti cash gifts da a ₱10,000 iti tunggal maysa manipud ti National Commission of Senior Citizens (NCSC).
Ti pannakaipaay ti tulong ket babaen ti panagbinnulig ti Department of Social Welfare and Development (DSWD) ken gobierno siudad babaen ti City Social Welfare and Development Office (CSWDO).
Innayon na a dakkel a tulong daytoy kadagiti senior citizens iti inaldaw a panagbiagda, kangrunaan dagiti masapul da kas ti agas ken taraon.
