LAOAG CITY – Inbatad ti content creator ken aktres a ni Alex Gonzaga a ti panagbalin na nga ina ket nangipaay kenkuana ti baro a perspective iti bagina, karaman ditoy ti panagpili kadagiti arwaten nga usaren na.
Kuna na a maawatan nan no apay a ti ina na a ni Mommy Pinty ket ipilpilit na nga ipadas nga umuna sakbay a gatangen na ti magustwan na a bado wenno aniaman nga arwaten.
Inlawlawag ni Alex nga idi awan pay ti anakna ket saanna nga ugali ti agipadas kadagiti gatangen na nga arwaten gapu ta iti paylaeng panangkita na ket ammo na nga umanayen kenkuana.
Nupay kasta, gapu iti panagbaliw ti pammagina agsipud ta limmukmeg iti panaganak na ket kasapulan a siguradwen na nga umuna no daytoy ket umanay kenkuana wenno saan.
Iti baet daytoy, kuna ni Alex a tunggal makitkita na ti anakna a ni baby Isaac ket ad-adda laeng nga ipategna ti nagbaliwan ti pammagina.
Innayon na a gapu iti dakkel a nagbaliwan ti pammagina ket naparaboran ti anak.
