LAOAG CITY – Inpasngayen ti aktres a ni Alex Gonzaga ti umuna nga anak da ken ni Lipa City Vice mayor Mikee Morada.
Mismo a ti ina ni Alex a ni mommy Pinty ti nangkumpirmar iti panagpasngayen ni Alex.
Segun ken ni mommy Pinty, baby boy ti inauna nga anak da Alex ken Mikee.
Nupay kasta, saanen a nangipaay ti impormasyon ni mommy Pinty no kaanu a nagpasngay ni Alex.
Maipalagip a namintallo a daras a naregreg ti sikog ni Alex sipud nagkasar da ken ni Mikee idi Nobyembre 2020, ngem nagtalinaed a natibker ti pammati da iti Diyos a maipaayan da ti anak iti umiso a panawen.
