LAOAG CITY – Sinungbatan ni Alex Gonzaga ti maysa a basher a nagkomento ti saan a napintas iti panagsikogna.
Nangisayangkat ti live selling ti aktres ken content creator ket ditoy a nabasana ti maysa a naulpit ken nasakit a komento.
Basar iti komento ti basher, kasano no bilang matay ti sikog ni Alex?
Iti baet nga arig below the belt ti komento ti basher ket kalmado a sinungbatan latta daytoy ni Alex uray madlaw a nasaktan unay ti negatibo a reaksion ti netizen.
Naammoan a nupay naalas ti nagbalin a komento ti basher ket linakoan latta ni Alex ti ilaklakona a produkto tapno maikkat ti negativity, hates ken depression iti bagina.
Insigida met nga inkalintegan dagiti netizens ni Alex ken binabalawda ti basher.
