LAOAG CITY – Nagkiddaw ni Alex Gonzaga ti kararag kabayatan a dandanin nga agpasngay daytoy.
Ti nabayagen nga iyur-uray a kanito da Alex ken ti asawana a ni Mikee Morada a makita ti first baby-da ket dandanin a mapasamak.
Addan iti final stretch wenno third trimester ti panagsikog ti actress-content creator ken mabalin nga agpasngay daytoy iti mabiit.
Iti latest Instagram ni Alex, nangipaay ti update ti kabsatna a ni Toni Gonzaga maipanggep iti pregnancy journey ni Alex.
Kuna ni Toni a marigatan iti panagturog ni Alex iti kallabes a normal laeng a situasion dagiti masikog a dandanin nga agpasngay.
Naammoan nga awan pay ti gender reveal nga insayangkat da Alex ken Mikee isut gapuna a pugpugtoan dagiti netizens no babai wenno lalaki ti first baby ti agasawa.
Maipalagip a namitlo a daras a naregreg ti sikog ni Alex sakbay a naan-anay a nagsikog daytoy.
