LAOAG CITY – Inimbitaran ni Brazilian President Luiz Inácio Lula da Silva ni Presidente Ferdinand “Bongbong” Marcos Jr., a bumisita idiay Brazil intono sumaruno a tawen.
Daytoy ket iti panagbisita ni Lula da Silva para iti maika-49 nga Association of Southeast Asian Nations (ASEAN) Summit, no sadinno nabigbig pay ti pannakipasetna kas kaunaan a gundaway a panagbisita ti maysa a Brazilian President ditoy pagilian.
Malaksid ken ni Presidente Ferdinand “Bongbong” Marcos Jr., inimbitaran pay ti presidente ti Brazil dagiti dadduma pay a lider, pakairamanan ni Singapore Prime Minister Lawrence Wong a nadutokan a sumaruno nga agtugaw iti ASEAN chairship intono sumaruno a tawen.
Kabayatanna, idi laeng Sabado, nagpinnirma ti sumagmamano a katulagan ti Manila ken Brasilia iti bilateral meeting-da mainaig iti kooperasion dagiti dua a pagilian iti agrikultura, livestock ken ti pannakaipatungpal ti competition laws.
