LAOAG CITY – Inbatad ti aktres a ni Atasha Muhlach a saanna pulos nga ikaskaso dagiti negatibo a komento iti performance na iti Bongga Ka Day: The Annie Batungbakal Musical.

Kuna na nga iti baet dagiti negatibo a komento ket adda met dagiti nangdayaw iti panagpabuya na ken kuna da a napaneknekan nga adda ti karbengan na kas Annie Batungbakal iti nasao a musical play.

Inpettengna nga umanayen kenkuana dagiti positibo a komento ken saanna a kayaten a panunoten dagiti negatibo a reaksyon kontra iti performance na.

Innayon na a kayatna laeng ti agpokus a kanayun iti positibo a banag ken inpasigurado na nga agtalinaed daytoy a napakumbaba ken agtrabaho a nasayaat.