LAOAG CITY – Pinaneknekan ni Atasha Muhlach ti role-na kas Annie Batungbakal iti “Bongga Ka, ’Day!: The Annie Batungbakal Musical” iti Newport Performing Arts Theater (NPAT) idi Biernes, Setiembre 18.
Daytoy ket kalpasan a nakapasar ti online bashing sumagmamano a lawas sakbay ti panag-artena iti first lead role-na iti musical.
Gapu iti daytoy, nagsagana ni Muhlach ti sumagmamano a bulan no sadinno dimmalan pay iti panagsanay ti vocals, acting, dancing, ken speech.
Ti nadakamat a musical ket babaen ti direksion ni Chris Millado ken kadua ni Muhlach dagiti onstage leading men-na a da Sam Concepcion ken KD Estrada.
