Inadaptar ti Association of Southeast Asian Nations (ASEAN) ti deklarasyon para iti pannakaitandudo ti “ fair, ethical and sustainable recruitment of migrant workers’ iti intero a rehiyon.
Segun ken ni Department of Migrant Workers (DMW) Secretary Hans Leo Cacdac, ti deklarasyon ket pakabenepisyaran ti agarop 600,000 a migrant workers iti sibubukel nga ASEAN member states.
Kuna na a babaen iti deklarasyon ket maaddaan ti greater transparency and accountability, nalawlawag, napudpudno ken ad-adda pay nga adda ti pagsungsungbatan dagiti stakeholders, aglalo iti benneg ti recruitment ken placement ti migrant workers iti ASEAN member states.
Innayon na a ti pay deklarasyon ket mangipawil iti dakkel wenno saan a maiparbeng a recruitment fees, ken mangpatibker dagiti pagannurutan ken regulasyon kadagiti mangimanmanihir kadagiti recruitment ken manning agencies.
Mainaig iti daytoy, inrakurak ni Cacdac a maaddaan ti naiget a koordinasyon dagiti pagilian a miembro ti ASEAN tapno masigurado ti natalged ken ethical recruitment practices, karaman ti kooperasyon iti panangisalakan ken panagpagawid kadagiti migrants workers ken ti possible a pannakatiliw dagiti karaman iti panaglabsing nga adda ti pakainaigan ti recruitment.












