LAOAG CITY – Inpeksa ni Mrs. Adela Mamaclay, residente iti Brgy. 24 Sta. Monica iti ili ti San Nicolas kalpasan a naibutaktak kenkuana a nakabil iti anak na babaen ti maysa nga indibidual nga addaan ti alias “Pakbong”, a residente met laeng iti nasao nga ili.
Namunganay daytoy kalpasan ti panagturong ni “Pakbong” iti minatayan da Mamaclay iti Brgy. 24 idi kalman, Nobiembre 15 iti oras ti alas-9 ti bigat ken addaan daytoy ti impluwensia ti nasanger.
Immunan iti daytoy, adda personal susik ti anak ni Mamaclay ken ni Pakbong idi napalabas a tawen no sadinno nilipak wennni Pakbong ti tsinelas ti anak na.
Nupay kasta iti kallabes, napan nangraot ni Pakbong iti pagtaengan da Mamaclay ken dua pay nga indibidual.
Kabayatanna, inbatad ni Mamaclay a nagturong daytoy iti Kapitan iti barangay da ken nakisarita iti Philippine National Police mainaig iti napasamak nga insidente.
Kalpasan iti daytoy, manamnama iti panagsasango dagiti maseknan iti insidente ngem no man saan a marelbar daytoy ket desidido da Mamaclay a mangipila iti kado kontra ken ni Pakbong.








